原标题：家门口嘅啤酒
今个周末真系后生仔嘅狂欢节日，因为2015年海珠琶醍美食啤酒节开幕了，会持续举办到呢个周末，啱啱好周末又系万圣节，有得食有得饮又有得玩，后生仔就happy咯！
琶醍啤酒节已经连续举办3届了，今年同海珠区美食节结合，安排咗大把表演，有珠啤之夜、琶醍之夜、百威风暴电音节等主题活动。查实，琶醍啤酒文化创意艺术区一早已经变成年轻人嘅聚会狂欢之地，对于呢笪地方，年轻人应该都唔陌生。我去过两次，因为喺江边，风景真系非常好，夏秋嘅时候来叹凉*正！
自从韩剧《来自星星的你》热播以来，炸鸡啤酒就非常流行，好多影视迷都非常迷恋韩国嘅啤酒。查实我哋国产啤酒仲好饮喇，比如我哋屋门口产嘅珠江啤酒，我就特别中意。珠江啤酒有30年历史，系全国三大啤酒品牌之一。记得细个时候，逢年过节，老窦就会攞出珠江啤酒来招待客人，我哋细路仔就饮广氏菠萝啤。讲起广氏菠萝啤，广东人都唔陌生，好多屋企都系攞来当成饮料来饮嘅。佢始创于上世纪七十年代末，比珠江啤酒嘅历史仲长，好多80后嘅童年记忆都有佢。
讲返转头，琶醍啤酒节嘅门票有啲贵，一种系328元，一种系168元，系咪有啲贵啊？起码学生哥就唔啱了。来源：信息时报
